Þá er 2009 komið, ég hef verið frekar latur við að skrifa hérna inn frá því í sumar en er að spá í að reyna að byrja hérna aftur Hanna Valdís bara stækkar og stækkar, Guðrún er í síðasta starfsnáminu sínu í Hrafnagilsskóla núna út febrúar, svo tekur við hjá henni lokaritgerð. Ég er komin með 2 hesta á hús, tók Draum inn fyrstu helgina á þessu ári ef ég man rétt og Þór 2 vikum seinna. Draumur er undan Krissu okkar og Garði frá Littla-Garði pg Þór undan Brúnblesu(Birtu) sem Felix frændi átti og Sólon frá Hóli við Dalvík. Ég er með þá inni í Möðrufelli fram í Eyjafirði hjá Lúlla frænda sem er algjör snilld. Farinn að ríða Draum inni en Þór kominn aðeins styttra, þeir lofa báðir nokkuð góðu, held að Draumur verði fínasti alhliða reiðhestur. Hef meiri trú á því að Þór gæti gert aðeins meira en að vera bara reiðhestur, en það á allt etir að koma í ljós með tímanum Ég á kannski eftir að setja inn myndir hérna af þeim. En það er aðeins að lifna yfir hestamennskunni hérna á Akureyri eftir að reiðhöllin kom, búið að halda 1 mót, töltmót, sem Lúlli vann á Úða og svo var folaldasýning/ ungfolasýning og sölusýning hérna á laugardaginn,sem var ágætis skemmtun. Fyrsta mótið í KEA mótaröðinni verður svo á föstudaginn, það verður spennandi að fylgjast með því, og að sjálfsögðu hvetur maður Lúlla þar En þetta er nóg í bili

Jæja löngu kominn tími á smá blogg hérna. Kallinn kominn í fæðingarorlof aftur og nú er maður bara orðin heimavinnandi húsfaðir Maður er aðeins búin að vera að ríða út, mætti samt vera meira, var að vísu slatta riðið út fyrir versló og yfir versló, reið með Felix aðeins í Svarfaðardalnum og þaðan á Hauganes og svo í Þorvaldsdalinn sem var snilld En nú er heldur betur farið að styttast í gæsina maður byrjar á morgun það er náttúrulega bara snilldin ein, erum við félagarnir búnir að redda okkur nokkrum stöðum til að skjóta á. Stefnt að því að fara í fyrsta skytteríið á fimmtudaginn í kvöldflug Það er búið að sóna hana Perlu mína og er hún fylfull við Tý frá Skeiðháholti Hanna Valdís fær það folald að ári Ég á eftir að láta sóna Nös gömlu sem fór undir Þorra frá Hóli. Krissa kastaði svo glæsilegu hestfolaldi undan Óð frá Brún Svo er stefnt á réttir fyrir vestan 6 sept, alltaf gaman að skella sér vestur í réttir og rekstur Annars heilsast öllum bara vel Guðrún á afmæli í dag Lúlli frændi varð pabbi í júlí og óskum við þeim Lúlla og Ingu Báru innilega til hamingju með það littlu dömuna
Þangað til næst bæbæ

Jæja þá eru hlutirnir farnir að skýrast í þessari hrossarækt hjá okkur, Nös fór í gær undir Þorra frá Hóli (Gustsonur) og Perla fer undir Tý frá Skeiðháholti (Hrafnsonur) líklega á föstudaginn næsta 27 júní, Birta (Grána hans Heiðmars) fer undir Albatross frá Vatnsleysu (Broddasonur) ekki alveg vitað hvenar hún fer, svo fer meri undir Mola frá Skriðu en það er ekki alveg komið á hreint hvaða meri það er en það kemur í ljós í þessari viku, og hún fer líklega bara strax eftir LM.
 
Landsmót hestamanna byrjar á mánudaginn næsta 30 júní Við fjölskyldan förum á Hvanneyri til Bebbu systir og Tryggva á fimmtudaginn og keyrum svo þaðan í sumarbústað á föstudaginn í Grímsnesi og verðum þar í viku, svo ég get keyrt þaðan á LM Ég fer svo með tjaldvagnin á svæðið á föstudaginn og verð yfir helgina og Guðrún og Olga tengdó keyra heim.

 Guðúnu og Hönnu Valdísi heilsast annars bara vel, sú stutta bara stækkar og stækkar

Kem með fleiri fréttir af þessum stóðhestamálum þegar það er allt komið á hreint, vona svo líka að sjá sem flesta félaga, vini og ættingja á LM á Hellu

Það kom lítil stelpa þann 16 Maí tæpar 16 merkur og 52 sentimetrar Konu og barni heilsast vel. Guðrún er ótrúlega hress, enda algjör jaxl og littla krílið rosalega þæg, lætur bara í sér heyra þegar hún vill fá að borða og svo bara sefur hún (Eitthvað lík pabba sínum þar ) Við erum búin að fá slatta af heimsóknum uppá sjúkrahús, bara gaman að því og þið öll sem senduð okkur sms og voruð að óska okkur til hamingju bara takk kærlega meikaði ekki að senda öllum sms til baka Allavegana þá heilsast öllum vel og við erum voða hamingjusöm bara með þetta allt saman

Já komiði öll sæl og blessuð á morgun föstudag verður Guðrún tekin með keisara Þannig að við erum að verða foreldrar gaman að því Langaði bara að setja þetta hérna inn svo þið gætuð fylgst með

Halló það er búið að vera fínt veður hérna í dag maður ussss Hvernig er það vantar ekki einhver þarna úti toll undir Tý frá Skeiðháholti eða Dósent frá Brún?? Týr er undan Hrafni frá Holtsmúla, klárhestur með 8,23 í aðaleinkun myndarlegur klár, hann er með 8,34 í sköpulag, tollurinn undir hann er á 55 þúsund með öllu og á ég 1 toll sem ég væri til í að selja hann verður hérna í Eyjafirði á fyrra gangmáli. Tollurinn undir Dósent er á líklega 40 eða 45 þúsund, hann er undan Heldi frá Brún, og er með 8,01 í aðaleinkun 4 vetra gamall og hefur verið að gefa mjög skemmtileg hross, sérstaklega gott tölt, þar á ég líka 1 toll sem er til sölu líka ef einhver hefur áhuga Annars er lítið að frétta bara vinna og reyna að stunda einhverja hestamennsku Nú er farið að styttast í Tekið til kostanna, en sú sýning er 26 apríl, eða já sú sýning sem ég og einhverjir félagar ætla að kíkja á þó svo að það sé nú alltaf einhverjir að detta út ekki hrifin af þessu, já og svo eru úrslit svarfdælsku mótaraðarinnar á laugardaginn, Bjarni verður þar með hana Ósk (Nasardóttir) í 4-gang, samt pínu vonbrigði með þessa mótaröð að mínu mati, ekki mikið af sterkum hrossum þarna en þau leynast inná milli Hætt var við ræktunarbúsferðina sem við ætluðum í á laugardaginn vegna lélegrar mætingar Ég og Guðrún erum búin að vera saman í 6 ár á morgun, ussss viljiði pæla aðeins í því mar, þetta er rosalegt, og svo er alltaf að styttast í erfingjan en Jæja þá held ég að þetta sé bara að verða ágætt í bili.

Það er komið á hreint að einni meri verður haldið undir hann Mola frá Skriðu í sumar og verður það mjög líklega hún Nös okkar. Við erum ekki viss um að halda fleiri merum en það á allt eftir að koma í ljós þegar nær dregur sumrinu. Við seldum hana Gjöf okkar í fyrradag svo það er þá bara spurning hvort við reynum að selja hann Þór líka eða eigum hann bara fyrir okkur, hef trú á að hann eigi eftir að verða fínn reiðhestur, en einsog ég segi þá kemur það bara í ljós líka. Annars hefur nú ekkert mikið verið um að vera hjá okkur undnafarið, fengum Knús og Dagný í mat í gær sem var bara mjög fínt

Jæja ég ákvað að setja inn hérna nokkrar línur, er þessa stundina fastur í ólafsfirði hjá tengdó þar sem að það féll snjóflóð í múlanum og við komumst ekki heim Nú er maður búin að vera að spá í stóðhestum fyrir næsta sumar, þar koma nokkrir til greina, einsog t.d Moli frá Skriðu, Óska-Hrafn og Ódeseifur frá Möðrufelli, Hrymur frá Hofi jafnvel Dósent frá Brún og einhverjir fleiri. Nú eru hugmyndir um ræktunarsamkurl já tveimur framúrskarandi hrossaræktendum, og verður spennandi að fylgjast með því hvernig það fer allt saman í framtíðinni Bjarni og Ósk sem er undan Nös er komin í úrslit í 4 gangi í svarfdælsku mótaröðinni, gaman að því. Held ég hafi ekkert meira að segja í bili.

Já komiði öll sæl og blessuð Stjörnutöltið var fínt, við fórum 5 saman að kíkja á þetta, ég Gunni Frím, Valdi tengdó og Felix og Maggi, það voru þarna 6 hross sem svona sköruðu framúr, þetta var líklega slakasta stjörnutölt sem ég hef farið á. Samt ágætis skemmtun, þarna komu líka graðhestar fram með sýningar. Ég var hvað spenntastur með að sjá Klerk frá Bjarnanesi já og einnig Glym frá Innr-Skelljabrekku, Glymur var bara fínn en ekkert svona VÁ neitt sko og Klerkur var hörmung, það er alveg á hreinu að þetta var ekki góð auglýsing fyrir hann hérna, allvegana ekki þeir sem eru að sjá hestinn í fyrsta skiptið þarna á ísnum, vonbrigðin voru allavegana mjög mikil hjá mér, náði ekki að tölta heilan hring og þess háttar, en það vantaði samt ekki fótaburðin, það er samt bara ekki nóg. Þarna voru fleiri stóðhestar, en einsog ég segi þá var engin sem ég var bara alveg vá, nema þá hann Óska-Hrafn hjá honum Lúlla, það er sá hestur sem ég hefði tekið með mér heim ef ég hefði fengið að velja mér einn til að taka með heim. Þeir sem ég þekkti þarna á töltinu stóðu sig öll mjög vel, Lúlli var með Óska-Hrafn einsog fyrr segir og svo var hann með Nönnu frá Halldórsstöðum sem var flott hjá honum líka, það var kosið um 5 mann inn í úrslit og að mínu mati stóð það á milli Lúlla og Gunnars Arnars þeir voru með yfirburðarhross af þeim sem ekki komust í úrslit, en Gunnar komst inn sem 5 maður eftir kosningu og er það nokkuð sanngjarnt bara. Knúsi var með Geisla og stóð sig bara vel, enda að stíga sín fyrstu skref á keppnisbrautinni. Svo voru Dagný og Áslaug þarna í skrautreið einhverri sem Léttir var með í tilefni 80 ára afmælis félagsins, þær stóðu sig einnig bara vel Annars held ég að þetta sé bara komið um stjörnutöltið, svo erum við Knúsi að kíkja aðeins saman framí Möðrufell á eftir til hans Lúlla frænda, þangað til næst bæó

Nú er farið að styttast í töltið, ég fór uppí hesthús til Knúsa félaga í dag að setja upp ljós í hesthúsið hjá honum, bara gamana að því, hann fer með Geisla frá Möðrufelli á stjörnutölt sem er núna á laugardaginn, Lúlli frændi verður einnig að keppa þarna, hann verður með hana Nönnu frá Halldórsstöðum sem hann hefur verið að keppa á, svo fékk ég þær fréttir í dag að hann verður með sýningu á Óska-Hrafni líka, verður semsagt ekki að keppa á honum, svo verður Dagný vinkona okkar í einhverju atriði þarna líka, svo þetta verður bara gaman óska ég þeim góðs gengis Ég og Knúsi erum mikið búnir að ræða hrossarækt undanfarna daga, þar hefur ófætt afkvæmi Krissu og Óðs verið aðeins í umræðunni en meira um það síðar Við skelltum okkur í bjórkynningu og á tónleika með Hvanndalsbræðum í gær og það var bara helvíti fínt, menn komust misvel frá kvöldinu en ég ætla að halda áfram að njóta þess að vera í páska fríi  

Nú er allt að gerast Við fórum á Hvanneyri til Bebbu, Tryggva og Óskars Óðins síðustu helgi og var það gargandi snilld Bara tekið því rólega, spjallað, fór í hesthúsið með Tryggva og svo tókum við Tryggvi smá fifa 07 þar sem ég vann 19-4 í leikjum gaman að segja frá því allavegana takk kærlega fyrir helgina Bebba, Tryggvi og Óskar Ég er búin að reyna að fá Tryggva til að kíkja á Stjörnutöltið sem er á laugardaginn næsta Tryggvi þú kemur bara með okkur það verður geggjað þar. Allavegana pottþétt að ég Valdi tengdó og Maggi frændi mætum þangað, Felix er eitthvað að melta þetta allt saman, Knúsi (Guðlaugur Magnús) félagi verður þar með hann Geisla frá Möðrufelli gaman að segja frá því Ég samdi við Tryggva um kaup á Nös og var það handsalað síðustu helgi, bara eftir að borga svo það er mjög líklegt að hún fari undir hann Mola frá Skriðu í sumar Á morgun förum við í nýlagnadeild rafmanna í bjórkynningu til Danda frænda í Kalda og svo á Hvanndalsbræður á Græna hattinum eftir það, ekki ónýtt það Knúsi er að reyna að fá mig til að fara með sér að keppa á svarfdælsku mótaröðinni á Orra okkar eftir 9 daga og er það allt í skoðun ,að vísu er hann ekki í neinni þjálfun held að þetta sé komið gott í bili þarf að fara að vinna

Já góðan daginn, hef nú ekkert svo mikið að segja, annað en, það er búið að vera nóg að gera. Vinna hjá Rafmönnum og svo erum við Kobbi bróðir að skipta út efni í húsi hérna á Akureyri sem er nú alveg að verða búið. Við skelltum okkur í reiðtúr fyrir viku síðan þar sem Kobbi prufaði Draum, það gekk bara fínt, en það er búið að vera alltof lítill tími til að stunda hestamennskuna ekki gaman að því Það á svo að taka á því í hestamennskunni þegar við verðum búnir með þessa blessuðu íbúð. Ég er 99% viss um það að ég haldi undir hann Mola frá Skriðu í sumar, er í samningarviðræðum um að fá meri lánaða undir hann, en þetta mun allt koma í ljós sem fyrst vonandi Við Guðrún vorum að koma heim af samfés núna áðan, þar var ekkert rosalega mikið sofið, en mjög skemmtileg helgi samt sem áður, fórum í kringluna og röltum þar um í rúma 4 tíma ekki minn tebolli hittum að vísu Magga frænda þar, bara gaman að því. Gjöf og Þór eru ekki seld en mér var hinsvegar boðið í hestakaup um daginn sem ég er að velta fyrir mér. Bjarni og Dandi eru stórhuga og stefna á að taka þátt í svarfdælsku mótaröðinni, mér skilst að Bjarni ætli að fara með gæðingin sinn hann Eldjárn sem er undan Nös og Hreim og Dandi stefnir síðast þegar ég vissi með Fiðlu sem er undan Snældu og Hreim, það verður spennandi að sjá hvernig þetta gengur hjá þeim Svo er farið að styttast í Stjörnutöltið og vona ég bara að sem flestir kíkji með okkur á það Þá held ég að þetta sé bara orðið gott í bili

Halló halló
Vantar ykkur ekki brúnblesótta meri já eða brúnan hest
Allvegana þá er hún Gjöf til sölu, hún er undan IS1982257070 Þoku frá Húsey (Ae:7,69) og IS1998137442 Hrafni frá Ólafsvík f:IS1984165010 Baldur frá Bakka (1 verðlaun) m:IS1987237887 Ísafold frá Ólafsvík (1 verðlaun).
Ágætis fótaburður, gengur mikið á tölti, en hún er að vísu líklega seld.
Svo er það hann  IS2004157561 Þór frá Húsey sem er undan IS1985257560 Brúnblesu frá Húsey (m:Þoka frá Húsey) og IS1984163001 Sólon frá Hóli/v Dalvík.
Hann er ótaminn, hreyfingarfallegur foli.

Við Guðrún kíktum til Lúlla frænda í Möðrufell á laugardaginn, skoðuðum þar hvað hann er með á húsi og hann lét fololdin hlaupa nokkra hringi í hlöðunni, gaman að því þar sá ég aftur Óskar sem er stórglæsilegt folald undan Ódeseif, mjög spennandi stóðhestefni þar á ferð að mínu mati. Annars er það bara vinna og hesthús. Við ætlum svo að skella okkur á krókinn á miðvikudaginn að horfa á forkeppni meistaradeildar KS þarf sem Neisti kemur fram, spennandi að sjá hvernig gengur hjá honum þar, ef ég man rétt þá verður hann Ísólfur Líndal með hann. En einsog ég sagði þá verður spennandi að fylgjast með besta afkvæmi (ennþá) Krissu þar á ferð

Já og svo er það Bautatölt 16 febrúar skyldumæting þar

Held að þetta sé þá komið gott í bili 

Jæja gott fólk, ekkert svakalega mikið að frétta, er búin að taka 2 hesta á hús þá Draum 4 vetra og Orra gamla Það gekk nú ekkert alltof vel til að byrja með eftir að ég kom með þá hingað á Akureyri, Draumur var eitthvað aulalegur, héldum jafnvel að hann væri að fá hrossasótt, en þegar við fórum að skoða málið þá kunni hann ekki á vatnsdallinn, svo það endaði með því að við færðum hann um stíu þar sem það var öðruvísi system á skálinni, allavegana þá gengur þetta allt saman vel með þá félaga. Lóðseraði Draum í fyrsta skiptið í dag og skellti svo á hann hnakk, það gekk allt svona líka glimrandi svo að Maggi frændi og nýji leigjandi hjá okkur skellti sér bara á bak, ég lóðserið þá félaga nokkra hringi og Draumur bara skiptist á að fara á brokki og tölti algjör snilld Svo það er komin nýr tamningarmaður í fjölskylduna sem er bara jákvætt. Svo skelltum við Guðrún okkur bara á Nissan Terrano 2 kvikyndi sem Maddi aðalbílasölumaður landsins græjaði svo er það bara vinna og FM chill. 

Þangað til næst bæó 

Jæja þá er nýja árið komið 2008 usssss. Fríið er búið að vera mjög gott, búið að spila slatta og hitta gott fólk. Maður er bara byrjaður að vinna full time sem er ágætt bara Var að taka hesta á hús áðan, er í sama húsi og ég var síðasta vetur. Náðum í Orra uppí hólf í morgun og járnuðum hann og Draum. Sem gekk svona líka glimrandi vel enda bara jaxlar að verki við það Ég verð bara með þá 2 á húsi í vetur allavegana til að byrja með, gæti verið að ég fái eitt enn pláss en það á bara eftir að koma í ljós. Allavegana fyrir þá sem ekki vita þá er von á erfingja hjá kallinum vissi alltaf að ég gæti þetta Svo ef einhvern vantar bíl þá er imprezan mín til sölu fanta fínn bíll. Þetta er fínt í bili bæbæ